تصوّر كلمتك : "بَبْعد" .. نتايجها شْـ كثر جابت
على القلب الذي يسعى تكون بْـ دنيته .. قبره !
سهر .. غيره .. ! قهر .. حيره.. وازيدك : " مهرتك " ذابت !
تشابه حايكٍ ضيّـع على جال البحر .. إبره .
تشتـّـت ما درى بْــ رمل الشواطي إبرته غابت
أو انّ الموج أجرفها لقاعٍ مظلم بْــ كـُبره .
حبيبي والأسنـّه من جيوش مفارقك صابت
أساس اركان احاسيسي وولّت قوّتي الدبره !
تعبت و كلْ بنات افكار راسي بالعنا ارْتابت
تنظـّــم بالمفارق ... بيت _ يتلا _ بيت _ للعِبره .
تغيب وْ ما تبيني أندب الآمال لا خابت
وانا لولاك منهو في حياتي يْهمّـني خبره ؟
إذا هذي الخواطر في غيابك حيل ما طابت
تعال وعالج بْــ لقياك كسْـرٍ إنـْـت لهْ جبره
تخيّل.. حتى لو ما جبت لك سيره ... علي نابت
ضلوعي بالمواجع واشتكى صوتي .. عسر نبره .
لو انّـك تفهم شعور الوله والشوق ما عابت
أحاسيسك... معاني الحبّ فيني وْهدّته بْــ كِبره
تصدّق لو أقول انّ الضلوع بغيبتك شابت؟؟
وراسي ما خذا من سود أفعالك سوى حبره !!
,
لأني حتى من شينك أجمّل روح ما تابت
عن الذكرى يا أقرب من سواد عيوني للـْـعَبره .\
أبيك تـْعرف لو إنْـها طباعي مْـن القسا هابت ؟
أبد ما جيتك بقلبٍ لوصلك ملّ من صبره
